Налив перо Montegrappa Elmo Ambiente (ocean, medium)

Опис

Најпознатиот италијански производител на луксузни инструменти за пишување, со рециклирани материјали пресоздава еден од своите најиконични модели, давајќи му свежа цел на дизајнот замислен пред повеќе од еден век. Со колекцијата Elmo Ambiente на Montegrappa, моделот дизајниран во 1920-тите ја добива еколошката свесност на 2020-тите. Проѕирната смола креирана за оваа колекција отвора прозорец во механиката на пишувањето, но и визија за можностите нештата да ги правиме поинаку, свесни како сѐ што ќе допреме станува дел од еден поголем наратив. Elmo Ambiente е резултат на соработката со Smile Plastics, велшкото ателје кое отфрлените материјали со најразлично потекло ги претвора во решенија со висок интегритет и постиндустриска естетика. За моделот Ocean, кој ја слави морската убавина, проѕирната смола е произведена со рециклирање пластични шишиња за вода.