„Пенкалото е јазикот на душата“, сметал авторот на „Дон Кихот“, големиот Miguel de Cervantes. Ова негово согледување е особено актуелно денес, кога за пишување главно користиме тастатури, физички или виртуелни, чии практични предности не може да се оспорат. Но, дали и натаму постојат нешта кои не можат да бидат изразени никако поинаку, освен со доброто ‘старо’ пенкало? Општиот одговор би се свел на потпишување важни документи, кога достоинството на моментот и кредибилитет на потписот може да ги обезбеди само врвен инструмент за пишување, кој од овие причини е неизбежен во професионалните средини.

Ако е случајно, тогаш е неверојатно среќно спонтаното историско поврзување на еден од најголемите писатели на дваесеттиот век, Ернест Хемингвеј, со италијанската куќа на врвни инструменти за пишување, Montegrappa.

Амбиентот во кој почнала италијанската култура на налив пера е живописниот, крајречен град Басано дел Грапа, сместен во подножјето на планината Монте Грапа, во регионот Венето. Таму во 1912 година е основана фабриката Manifattura pennini d’oro e penne stilografiche (Мануфактура за златни пера и налив пера), која во 1915 ја произвела првата линија италијански налив пера, и ја воспоставила традицијата на рачна изработка што оттогаш продолжила без прекин.

Споменувањето на Pininfarina непогрешливо асоцира на врвен автомобилски дизајн, дури и кај оние кои не ги интересира автомобилизмот. Но, водечката светска дизајнерска куќа основана во Торино во 1930 година, со истата елеганција, чистина и иновативност – клучните поими во нејзиниот дизајнерски јазик, креирала и луксузни часовници, архитектура и апарати за домаќинство. 

Одвај неколку имиња можат да се пофалат дека во светот на автомобилскиот дизајн звучат респектабилно како Pininfarina, над 90-годишната компанија која ги креирала некои од најиконичните автомобили во историјата. Во оваа историја на формирање на визуелниот идентитет на многу легендарни автомобилски брендови, посебно место има соработката која добила статус на сојуз, меѓу Pininfarina и луксузниот бренд чиј заштитен знак е култниот тризабец, Maserati.

Prima, како што упатува нејзиното име, е прва меѓу инструментите за пишување што можат да пишуваат неограничено, без дополнување со мастило, но и без острење какво што бараат моливите.

Приказните како оваа обично бараат да бидат раскажани во поетски стил, но ќе почнеме со практичен и изразит пример што го докажува насловот на текстот, чија смисла е дека оние што ја знаат формулата, запишаното на хартија можат да го претворат во злато, сфатено во сите негови симболички значења.

Рафаело е третото моќно, величествено име што ја заокружува големата тројка на високата ренесанса, заедно со Леонардо и Микеланџело. Создал сопствен стил што се одликува со ускладеност и урамнотеженост на композицијата, јасен цртеж и продуховен израз на ликовите, често сместени во простори со длабока перспектива. Мајсторски применувал хармонични колористички скали, со извонредна поврзаност на заситените и прозрачните бои. Во неговото сликарство духот на високата ренесанса дошол до полн израз, во слава на класичната хармонија и идеалната убавина.

Без разлика дали ќе го сметаме за визионер или за дизајнер на безвременска естетика, првиот технички директор и соосновач на најстарата италијанска мануфактура за налив пера, Heinrich ‘Elmo’ Helm, добро знаел што прави кога пред цел век го креирал пенкалото Elmo 02.

Љубителите на пенкала почетокот на поимањето на инструментите за пишување како уметнички објекти го поврзуваат со првата италијанска мануфактура за налив пера, Montegrappa. Компанијата во семејна сопственост, од Басано дел Грапа, ваквата репутација ја добила постојано поместувајќи ги креативните граници при дизајнирањето на своите производи, додека истовремено ги усвојува новите технологии што овозможуваат уметничката имагинација да се реализира без компромис во однос на механичката, функционална брилијантност на инструментот за пишување.